TAU DORAKAYA RI TAU TOANA
Ri sekrea kampong ammantangi sekrea
tukkalabini. Siapa arei sallona akballak-ballak ri kamponga anjo anggap tommi
sitau anak burakne. Ri wattu anngumuruknamo anakna tuju taung appakarammula
tommi napasikola anjo anakna. Tammaki napannarrusuki sikolana mange ri butta
Jawa. Attaung-taungi assikola sanggenna tammak tommi ri sikola tinggia, akbaine
tommi anak radeng. Niakmo sekre wattu na nikutaknang ri bainenna angkana, ”
Kerei mae ammantang tau toanu?”
Appiwalimi anjo lapung tau angkana, ”Tau toaku mate
ngasengmi rua-rua.” Anne lapong anak tinggi sikalimi pangkakna ri pammarenta
kalumanyang tommi nasabak jaimi barang-barangnna. Niak oto cakdina, niak oto
lompona, jai tongi pole barang-barang maraenna, sanggenna nigallarak tukalumannyanna
anjo kamponga siagang tumalompona anjo kamponga.
Na anjo tau toana ia rua nakkuk tommi nasakring nasabak
siapami sallona, attaung-taummi tassicinik anakna, taena tong nalanngeek
kareba. Apaji na niakmo sekre wakttu na nakunjungi mange natoak anakna,
battuang angkana kalauki ri butta Jawa lanngagangi sicinik anakna. Battue
angjoren ri tampak pammantanganna anakna akkutaknangmi ri pambantuna angkana,
”Anrini kutaeng ammantang anjo nikanaya Pak Ahamak?” Nakanamo
pambantuna, ”Iyek anrinni.”
Nakana seng tau toana, ”Pauang sai bedeng I lalang angkana
niaki ammatta siangang manggeta erok anngagangkik sicinik.” Apaji namaemok
nipauang. Battue antama nipauang tommi manuruk anjo tau toana. nakanamo anjo
Pak Ahamak ri pambantuna, ”Pauangi anjo taua I pantarak angkana
tenamo nakke manggeku tena tommo ammakku, sallo ngasemmi matena.”
Jari, assulukmi nipauang, nakana, ”Lekbakmi kupauang, mingka
nakana anjo Pak Ahamak sallomi matena ammakna kammaya tompa pole manggena.”
Nakana seng anjo lapong tau toa, ”Manna mo anjo nakamma mamo, sungkemi
pakkekbuknu nakusicinik rolo.”
Antamai seng nipauang angkana, ”Erok dudukik
naagang sicinik anjo tau toana I pantarak.” Nakanamo ri pambantuna angkana,
“Tena, tena naparallu antama mae, nasabak taenamo nakke manggeku taenamo
ammakku.”
Sanggena pinruang pintallungi nisuro aklampa anjo tau toaya.
Na anjo lapong tau toa ammantang tonjia i pantaranna anjo pakkekbuk kamponna na
napiondangi konkong lompona anjo pajaga kamponna anngarruk ia rua. Anjo Pak
Ahamak sirik-siriki kutaeng ri bainenna nasabak lekbak napaui angkana taenamo
manggena, tenamo manggena. Apaji na nalappassammo
konkong
lompona anjo pajaga kamponna na konkong, lokok-lokokmi ia rua, sanggenna
sallang mate ngaseng.
Ri bokoanganna anjo pakbakasakna Allahu Taala ri ia,
battuang ri anjo anakna pilak allo pilak allo pilak naung tommi
pakbarang-barangna, garring-garring tommi, nipanaung tommi pole pangkakna ri
pammarenta nasabak malanggarakna paraatorang. Nasabak taenanmo
pakbarang-baranna, ri tuli garrinna, apaji nakburaknemo pole bainenna, battuang
kana nipelaki ri bainenna. Kammami anjo pakbalasakna karaenga Allahu Taala ri
tau dorakaya ri tau taona.
Orang yang durhaka terhadap kedua
orang tuanya
Pada suatu kampung tinggallah
sepasang suami isteri, selang berapa lama mereka hidup bersama mereka pun
dikaruniai seorang anak laki-laki, pada saat anaknya mencapai usia 7 tahun
merekapun menyekolahkan anaknya, setamatnya kedua orang tua inipunmenyekolahkan
anaknya ke pulau Jawa, hingga anak inipun menjadi anak yang sukses
kemudian menikah.
Hingga suatu saat isterinya bertanya
kepada suaminya, dimanakah kedua orang tuanya tinggal, tetapi suaminya menjawab
bahwa kedua orang tuanya sudah meninggal.
Anak ini menjadi anak yang sukses
baik dalam hal jabatan, hingga menjadi konglomerat, hingga suatu hari kedua
orang tua anak lelaki ini sangat ingin berjumpa dengan anaknya, maka
merekapun berangkat mencari keberadaan anaknya, sampai kedua orang tua inipun
sampai di tempat anaknya dan bertanya kepada pembantu anaknya, apakah benar ini
memang rumah anak dari kedua orang tua tersebut.
Maka dimintalah kepada pembantu
tersebut agar memberitahu sang anak bahwa orang tuanya ingin bertemu, tapi
berkali-kali hal ini disampaikan sang anak lelaki tersebut tetap tidak mau
menemuai keduanya dan mengatakan bahwa kedua orang tuanya sudah meninggal,
tetapi kedua orang tua ini tetap bertahan berdiri didepan pintu rumah sang anak
durhaka ini, hingga akhirnya, sang anak tega melepaskan anjing
peliharaannya untuk mengejar kedua orang tuanya sampai kemudian kedua
orang tuanya terluka hingga akhirnya keduanya pun meninggal, hanya karena sang
anak malu karena sudah terlanjur mengatakan kepada isterinya bahwa kedua
orang tuanya sudah meninggal.
Hingga pada akhirnya kehidupan sang
anak durhaka ini hari-kehari semakin terpuruk dan bangkrut, isterinya pun
meninggalkannya dan menikah dengan pemuda yang lain dalam arti kata dia
ditinggalkan oleh istrinya. Demikianlah balasan yang setimpal dari Allah SWT
terhadap orang durhaka kepada kedua orang tuanya.
sumber: http://sumarlinrengko.blogspot.com/
